گوگل ایڈسینس کے متعلق بنیادی معلومات

گوگل ایڈ سینس کا نام تو آپ میں بہت سوں نے سن رکھا ہو گا اور اس کے استعمال سے بھی واقف ہوں گے۔ لیکن ابھی بھی ایسے اصحاب کی بہت ہی بڑی تعداد اس سے لا علم ہے۔ اگر آپ انٹرنیٹ پر کاروبار میں دلچسپی رکھتے ہیں تو گوگل ایڈسینس کے بارے میں مکمل معلومات ہونا آپ کے لیے انتہائی اہم ہے۔

گوگل بنیادی طور پر ایک سرچ انجن اور اشتہاری کمپنی ہے جس سے آپ اپنی مرضی کی معلومات تلاش کر سکتے ہیںْ۔ اگر آپ نے انٹرنیٹ پر جا کر کچھ تلاش کرنا ہو تو گوگل نے ایک بہت ہی سادہ پلیٹ فارم مہیا کیا ہوا ہے جس کہ باکس میں اپنی مطلوبہ تلاش کا لفظ لکھ کر اس کے متعلق جانا جا سکتا ہے۔
اس باکس سے جب آپ سرچ کرتے ہیں تو آپ کے سامنے سرچ رزلٹ کا ایک نیا پیج کھل جاتا ہے جس پر آپ کے مطلوبہ لفظ کے متعلق وہ تمام ویب صفحات لسٹ کر دیے جاتے ہیں جن سے آپ مستفید ہو سکتے ہیں۔فرض کریں کہ آپ نے گوگل کے سرچ باکس میں لفظ weight loss لکھ کر سرچ کیا تو آپ کے سامنے search result page کھل جاتا ہے۔
اب اگر اس پیج کو غور سے دیکھا جائے تو اس کے سب سے اوپر اور دائیں سائیڈ پر کچھ اشتہارات ہیں جو کہ زیادہ تر صورتوں میں آپ کی سرچ کے لفظ کے مطابق ہوں گے۔اسی طرح گوگل ویب ماسٹرز اور بلاگرز کو یہ سہولت دیتا ہے کہ وہ بھی اس کے ساتھ اشتہاری بزنس میں پارٹنر بنیں۔ جب کوئی بلاگر یا ویب ماسٹر گوگل میں اکاونٹ کھول لیتا ہے اور ایڈ سینس میں اپنا اکاونٹ بنا کر appove کرا لیتا ہے تو وہ اپنے بلاگ پر گوگل ایڈسینس کے اشتہارات دکھا سکتا ہے۔ جب کوئی وزیٹر ان اشتہارات میں دلچسپی دکھاتے ہوئے ان پر کلک کرتا ہے جس سے گوگل کو پیسے ملتے ہیں اور وہ ان پیسوں میں سے اس بلاگر کو پیسے دیتا ہے جس کے بلاگ پر سے کسی نے کلک کیا تھا۔
دوستو یہ تو تھا ایک عام فہم زبان میں گوگل کا تعارف۔ اب ہم اس کو تفصیل سے دیکھتے ہیں۔ گوگل ایڈسینس اصل میں ایک passive income کا ذریعہ ہے جو کہ دنیا میں اس وقت اپنے عروج پر ہے۔ آجکل دنیا میں جو ارب پتی لوگ ہیں وہ اسی passive income کی وجہ سے ہیں۔یہ وہ آمدنی ہوتی ہے جس میں آپ کو بالکل کام نہیں کرنا پڑتا یا اگر کرنا بھی ہو تو بہت تھوڑا۔
اس کی مثال یوں دی جا سکتی ہے کہ فرض کریں کسی نے ایک بلڈنگ بنائی اور اسے کرائے پر دے دیا۔ اب اس کو کوئی کام نہیں کرنا پڑتا اور ہر ماہ وہ اس بلڈنگ کا کرایہ وصول کرتا رہتا ہے۔ہاں کبھی کبھار اس بلڈنگ کو رنگ روغن اور دیگر کام کرتا رہتا ہے۔ اسی طرح گوگل ایڈسینس کو استعمال کرنے والے بلاگرز اور ویب ماسٹرز بھی اس بلڈنگ کی طرح کی ایک ویب سائیٹ یا بلاگ بناتے ہیں اور اس پر دیے گئے اشتہارات سے پیسے کماتے ہیں۔
اس بات سے تو آپ اتفاق کریں گے کہ passive income راتوں رات تو حاصل نہیں ہوتی۔ اگر کوئی بلڈنگ بناتا ہے تو اس کے لیے اس کو کافی سرمائے ، وقت اور محنت کی ضرورت ہوتی ہے پھر جا کر وہ اس قابل ہوتا ہے کہ آرام سے بیٹھ کر آمدنی حاصل کرے۔اسی طرح ایک ویب ماسٹر یا بلاگر بھی کافی محنت، وقت اور معلومات کے بعد اس قابل ہوتا ہے کہ ہر مہینے اپنی دولت کو بڑھتا ہوا دیکھ سکے۔
اکثر لوگ خاص کر کے جن کو گوگل ایڈسینس کے متعلق تفصیلاً علم نہیں وہ اس کو ایک فراڈ یا کھیل سمجھ کر اس کے بارے میں سنجیدہ نہیں ہوتے۔ یاد رکھیں کہ کسی بھی کاروبار کو کامیاب بنانے کے لیے آپ کو بہت محنت کرنا پڑتی ہے بھر جا کر آپ کا کاروبار یا دوکان نفع دینا شروع کرتا ہے۔ایک اندازے کے مطابق گوگل ایڈسینس کے کاروبار میں صرف دس سے بیس فیصد بلاگر اور ویب ماسٹر سنجیدہ ہوتے ہیں اور یہ وہی لوگ ہیں جو مہینہ کا لاکھوں روپیہ کما رہے ہیں۔ باقی کچھ عرصے بعد مایوس ہو کر اس کو چھوڑدیتے ہیں اور کچھ بھی حاصل نہیں کر پاتے۔ اور جب کوئی ان کے سامنے اس کا ذکر کرتا ہے تو وہ کہتے ہیں کہ بھائی یہ سب فراڈ ہے ان چکروں میں نہ پڑو۔اگر گوگل ایڈسینس فراڈ ہے تو اس کمپنی کے شئیر کی مالیت اتنی زیادہ کیوں ہے۔ اس کے بارے میں مندرجہ ذیل حقائق کو ملاحظہ فرمائیے:
share price, paid up capital.... 
گوگل والے تو اور کوئی کام نہیں کرتے اور صرف سرچ کی سہولت لوگوں کی خوشنودی کے لیے تو نہیں۔ گوگل اگر اپنے استعمال کنندگان کو فری بلاگ بنانے کی سہولت دیتا ہے تو آپ کے خیال میں یہ ویسے خدمت خلق کے لیے ہے؟ نہیں ان سب میں پیسہ شامل ہے۔ آجکل کے دور میں کوئی کسی کو مفت کچھ نہیں دیتا۔
پاکستان میں گوگل ایڈسینس سے کمائی کا رواج اب زور و شور سے تیزی پکڑ رہا ہے۔ اس میں لوگوں کا ذوق دیکھ کر دو نمبر کمائی کرناے والے بھی کود پڑے ہیں اور رنگا رنگ اشتہاروںکی مدد سے لوگوں سے پیسے بٹور رہے ہیں۔ لوگ ان کا شکار صرف اس لیے بن جاتے ہیں کہ ان کو درست معلومات نہیں ہوتی۔
اس ویب سائیٹ میں آپ کو گوگل ایڈسینس کے متعلق اتنا تفصیل سے بتایا جائے گا کہ پھر آپ کو مزید کی ضرورت نہیں رہے گی۔